जळगाव :जळगाव महानगरपालिकेची निवडणूक अद्याप जाहीर झालेली नसली, तरी शहरातील प्रभाग क्रमांक 19 मध्ये सामाजिक कार्यात सक्रिय असलेले सूर्यभान उर्फ बबलू साहेबराव सपकाळे आपली अपक्ष उमेदवारी सादर करण्याची तयारी करत असल्याची माहिती मिळते.
रामेश्वर कॉलनी परिसरातील रहिवासी असलेले बबलू सपकाळे यांना त्यांच्या वडिलांचा—साहेबराव सपकाळे—यांचा सामाजिक कार्याचा वारसा लाभला आहे. स्थानिक प्रश्न, नागरिकांचा सहभाग आणि विकासकामांबाबत ते सातत्याने सक्रिय राहिल्याचे त्यांच्या समर्थकांचे म्हणणे आहे.
समाजकार्याची परंपरा पुढे नेत पारदर्शकता व प्रामाणिकपणासह विकासाची संकल्पना आपल्या कामातून राबविण्याचा मानस बबलू सपकाळे यांनी व्यक्त केला आहे. प्रभागातील मूलभूत सुविधांचे प्रश्न, स्वच्छता, पायाभूत सुविधा आणि नागरिकांच्या अडचणींचे तातडीने निराकरण यांना प्राधान्य देण्याचा त्यांचा निर्धार आहे, असे समजते.
निवडणूक जाहीर झाल्यानंतर ते अधिकृतपणे उमेदवारी सादर करतील, अशी अपेक्षा व्यक्त केली जात आहे.
Social Plugin